Sunday, April 29, 2007

مش دة البوست اللي ناوية أكتبه




البوست اللي كان في نيتي أكتبه النهاردة ... كان المفروض يبقى عن لوسبفر وأبراكساس
وملوك الشر وقياصرة الروم وأكاسرة الفرس في كليتنا المبجلة

بس حصلت حاجة بصراحة مش مخلياني أعرف أكتب حاجة .. النهاردة كان يوم فريد من نوعه
وإليكم الأحداث

كان المفروض إني النهاردة كان عندي امتحان عملي وامتحان نظري عملي في الكيمياء التحليلية

احنا اتعودنا إن الامتحان في المادة دي بيبقى سلق بيض .. وما بنفتحش في كلمة
كل اللي كنا بنعمله هو إننا نروح نضرب حصة عملي عند دكتور كدة بناخد عنده ... وخلاص

نظرا لأن كل حاجة في الامتحان دة بتبقى مكتوبة عندك .. نظام الشغل والخطوات والقوانين وكل حاجة
بقالنا تلات تيرمات على الوضع دة .. وكانت دايما درجات العملي بتاعتنا عالية في المادة دي

التيرم دة بقى .. هو آخر تيرم هناخد في المادة دي ... وبالتالي قرر رئيس القسم .. ألا نخرج منها سالمين
عملنا في الامتحان نظري عملي ... وحطلنا في الامتحان حاجات غريبة ومسائل ورسوم بيانية ... وعك كتير كدة

عملنا نفس الحاجة ورحنا ناخد الحصة ... لقينا الدفعة كلها موجودة في الحصة ... وبقوا العيال قاعدين على الحيطان وعلى الأرض وفي كل
حتة
امبارح ذاكرت العملي .. وطنشت نظري العملي ولا كأني واخدة بالي ... حيث أنه من المستحيل إني أذاكر المنهج كله في يوم
ونمت متأخر كالعادة

وكان المفروض إن امتحاني الساعة تمانية الصبح .. ونظرا لأني ساكنة بعيد عن الكلية فالمفروض أنزل من بيتنا الساعة ستة ونص الصبح
اللي حصل بقى هو


إن الموبايل ما رنش أصلا

وصحيت من نفسي كدة فجأة ... ببص في الشباك لقيت الدنيا منورة زيادة عن اللزوم

بصيت في الموبايل ... لقيت الساعة الثامنة صباحا

أنا في بيتنا الذي يبعد عن الكلية ساعة ونص مواصلات
والامتحان في الكلية في هذه اللحظة ... خلاااااااااص بدأ

طبعا تملكتني حالة من الذعر والفزع ... وطبعا أكيد يعني ... عيطت

ورحت مصحية أخويا وأنا في حالة من الرعب كأني شفت عفريت .. أو إن وحش عملاق هجم على غرفتي

راح قايلي البسي .. لبست في خلال تلات دقايق بالظبط .. ومحدش يسألني ازاي

وراح نازل معايا .. وموقفلي تاكسي

طبعا اترعبت زيادة .. أخويا مش ناوي يركب معايا

احنا الصبح .. والأوتوستراد فاضي .. ,انا هركب تاكسي لوحدي وهيطلع على الأوتوستراد

المهم ما كانش وقت التفكير في كدة .. فركبت بسرعة

أخويا كان بيتصل بيا من البيت كل خمس دقايق بالظبط ... وأنا عمالة أقوله (خلاص الامتحان كدة كدة ضاع .. كدة كدة مش هيدخلوني ) المهم الباشا السواق سمعني وأنا بقول كدة .. لقيته طالع على الأوتوستراد على 140

أنا بقى بترعب من كدة ... رحت قايلاله .. يا باشمهندس أنا كدة مش هوصل الامتحان

انت كدة موصلني الآخرة ... ضحك وقاللي ما تخافيش ... أنا سواق
طبعا أنا أكيد يعني برضه ما اتطمنتش

المهم دخلنا على حتة زحمة .. لقيته متدايق أوي وعمال يبص شمال ويمين
قلتله خلاص يا باشمهندس أنا كدة كدة الامتحان رايح

قاللي لأ ازاي ؟؟ هتمتحني إن شاء الله

المهم وصلت الكلية الساعة تسعة إلا عشرة
وأخونا سواق التاكسي أخد تلاتين جنيه :D
يعني فات من الامتحان ما يقرب الساعة

طلعت فوق للمعيدة .. قالتلي أنا ممكن أمتحنك دلوقتي بس هيبقى رايح عليكي من وقت العملي نص ساعة .. وهتسلمي زيك زي زمايلك
يعني مفيش وقت زيادة .. وهمتحنك نظري العملي مع المجموعة اللي بعديكوا

طبعا قلتلها ماشي ... حيث أني توقعت إنها أصلا مش هتدخلني الامتحان

المهم الامتحان على أد ما كان صعب بس خلص على خير ... والقراءات كلها طلعت مظبوطة الحمد لله

ونظري العملي .. كلفت نفسي وكتبت اسمي على الورقة وسلمتها زي ما نص الدفعة عملت
إلا طبعا اخوانا الدحيحة اللي بيكتبوا كلام كتير في الورق من حيث لا ندري

المهم أنا اتعلمت كام حاجة مهمين

أولا ... ما ينفعش أكتفي بالموبايل يصحيني
لازم أوصي صحابي يصحوني
وبابا وماما في الامارات يصحوني برضه
والجيران كمان

ثانيا... ما أركبش تاكسي من البيت للكلية تاني عشان بياخد تلاتين جنيه
:D

ثالثا ... أكمل تعليم سواقة عشان ما أتحطش في المواقف دي كتير

رابعا ... أبقى أنام بدري قبل الامتحان

المهم ... دة مش البوست اللي كنت عاوزة أكتبه
أنا البوست بتاعي كان المفروض يبقى عن تحالف لوسيفر وأبراكساس
لما أفوق بقى من الصدمة
:D

26 comments:

farah elkolob said...

ههههههههه

تحفه يا ويسبر

بس هانوا عليكى ال 30 جنيه!!!

بس بجد والله انتى جدعه انك كنت بعقلك

انا لو مكان كان جرالى حاجه..

WhiSpeR said...

يا بنتي احنا ناس جامدة
هو بصراحة صحابي كانوا بيحسدوني النهاردة على البرود
رغم إني كنت مرعوبة
بس مش هموت يعني
:D

Rehab Saber said...

يا حبيبتى :D

الحمد لله عدت على خير

Anonymous said...

ربنا ستر يا بنتي

بس المرة الجاية لازم تخلي كل الناس دي بقى تصحيكي ههههه

أنا بعمل كده

سمـــر مــاهر said...

يعينى


اخوها رماها فى التاكسى


شكله مش طايقك


انا لو مكانه اصلا كنت رميتك تحت التاكسى مش فى التاكسى :D


الحمد لله انا عدت على خير


وفداكى ال 30 جنيه

المهم الصحه



سلام عليكم

WhiSpeR said...

مش طايقها ؟
انتي يا بت
أنا مش عايزة أعرفك
امشي من وشي
وبلوك على طول

بنات آخر زمن

سمـــر مــاهر said...

هتعرفينى غصب عنك



هتعملى بلوك من الباب


هنطلك ان بلوك من الشباك



( ايموشن واحد مطلع لسانه )

mohamed said...

ربنا يعينك

والحمد لله انها جت علي كدا المواقف دي بتكون صعبة وبتضغط علي الاعصاب

وان شاء الله الموقف دا ميكررش تاني

Unknown said...

ههههههههههههههه
سبحان الله بجد
طبعاً حضرتك عارفة كان عندي برضه إمتحان تحليلية

نفس الوصف بتاعك
الخطوات مكتوبة وtitration
وبتاع والموضوع بيمشي زي الفل

وأنا رايح الإمتحان بقى
لقيت واحد صاحبي بيكلمني بيقولي زي حضرتك كده
أنا لسه في البيت والإمتحان هيبدأ في خلال عشر دقائق - هو ساكن في شبين -
يعني عشان يجي عاوزله ساعة ..

قلتله خلاص يجي يتفاهم مع المعيدين وأكيد هيرضوا يدخلوه مع مجموعة تانية

شغال بقى في التجربة لقيته دخل ..
ومكنش فات أكتر من نص ساعة إلا خمس دقائق ..

قالي أنا وقفت تاكسي وقلتله عندي إمتحان وهيضيع
وإديته 25 جنيه :D
هههههههه


مستنين بقى الحاجات بتاعة الروم الغريبة دي :D

محمد said...

حمدا لله على سلامتك

الحمد لله إنك أدركت الإمتحان

"ما حدش بياكلها بالساهل"

FloNa said...

اييييييييييه يا بنتي هيه دي القصة اللي قلتيهالي وانا نايمة :D


كويس انك رجعتي قلتيها تاني

طب تيجي ايه دي جنب الكوجنوزي :( :(



مرة كدة لما ابقى فايقة حبقى اكتب قصة امتحان الكوجنوزي الاليم :(


بس يلا تعيشي وتاكلي غيرها على الاقل امتحنتي مع سيكشنك غيرك امتحن مع التخلفات :D

WhiSpeR said...

مسلمة
بس يا بت امشي من هنا
شوفلك حتة تانية اقعدي فيها


أخ محمد
جزاك الله خيرا
الواحد فعلا أعصابه باظت في اليوم دة


دكتور عمرو
الحمد لله إنه لحق
بس على الأقل انتوا مش عندكوا شيت
وبعدين هو دفع 25
أنا دفعت تلاتين جنيييه
في فرق
:D


أخ وضاح
فعلااااا
محدش بياكلها بالساهل
جزاك الله خيرا


فلونا
هي كلمة واحدة
يا تخلفاااات
:D

Unknown said...

كان عندي سؤال ..
الصورة اللي في البوست دي عاوز أعرف مصدرها ؟
:D
معلش لو مفهاش رخامة يعني

WhiSpeR said...

Kimia ... Kills ???
دي مصدرها هو نفس مصدر كل الصور اللي في البلوج دة
موقع صور
بس هو اسمه غريب حبتين تلاتة أربعة
www.deviantart.com
:D

FloNa said...

مين دي اللي تخلفات يا بنتي

دنا عاملوني كأني اميرة :D

التخلفات بتفيد برضه :)

safa7_karmooz said...

ثانيا... ما أركبش تاكسي من البيت للكلية تاني عشان بياخد تلاتين جنيه

لييييييييييييييييييييييييييييييييييييييييييه
!!!!!!!!!!!!!!!!!!!!!!!!!!!!!!!!!!!!!!

لو انتى حتى مستعجلة...ومتسربعه...وساكنه فين ...مش هياخد دوول...

طب كده نخمن انك ساكنة فى مساكن الشيراتون مثلا اللى عند المطار...او الاسماعلية؟؟؟

اصل انا بركب تاكسيات برضه...وفاهمهم ...

ومرة يوم امتحان اتزنقنت كده...ورايح متاخر ساعه ونص...يعنى قدامى ساعه ونص تانية....

وكنت بتحايل على سواقين التاكسيات يوصلونى...كنت عند جدتى اليوم ده...واستحالة انى اركب المترو...وفى الاخر السواق عاوز من مصر الجديدة لجامعة القاهرة 30 جنيه برضه...كلل اللى سبتهمله 15 جنيه ...وعبارة ارفع قضية :D

Unknown said...

نعم :D

حضرتك عاوزة تعامليني على أساس إني معرفش devian ARt

:D
ده أنا خللت هناك ..
lol

أيوة مهو devian art بحر يعني
من الجالري بتاع البشمهندس مين بقى :D

علاء عارفين said...

المهم انتي صحيتيني مخضوض

و مكانش ينفع اركب نمعاكي التاكسي لان ال 40 جنيه اللي خدتيهم كانوا اخر فلوس في البيت

و كان لازم اروح البنك

و الله كان يوم مبهج جداً

انا فضلت اعصابي بايظه لحد اخر اليوم

حتى بعد مانتي خلصتي امتحان

...............................

الواحد بيحصلله حاجات غريبه

WhiSpeR said...

امال يعني كنت عايزني أصحى الساعة تمانية أسيبك عادي نايم وأتصرف من نفسي بمنتهى البرود
-_-

دكتور عمرو
نعتذر عن هذا الخطأ الفني
بس من غير ضرب
:D
أنا معرفش مين اللي عاملها
بس انا جايباها عن طريق ال search في الموقع
على كلمة chemistry
هتلاقيها في الصفحة الرابعة أو الخامسة كدة
:)

أخ مشمش
هو التسعيرة العادية من بيتنا لحد كليتي فعلا 30 جنيه .. أنا أساسا معرفة إني بتخانق مع سواقين التكاسي لما بيقولولي رقم مش عاجبني
بس الحمد لله أخونا السواق المرة دي رحم نفسه وماقالش أكتر من تلاتين جنيه
لأني أساسا كانت أعصابي بايظة وكان ممكن أرتكب جريمة لو كان دايقني
:D


فلونا
إيه رأيك أطلعلك لقب جديد ؟؟
((فلونا تخلفات )) جامد مش كدة ؟؟
:D

FloNa said...

احنا اخر اي تاكسي عندنا 5 جنيه لو واخدني من اول اسكندرية لاخرها


فيه مشاوير بتبقى استثناءات بتوصل لعشرة ده لو انتي طالعة بحر واييه يعني ممشوراه


بس كدة



ويسبر اسانسير


بطلي عشان مطلعش القديم عليكي :)

WhiSpeR said...

يا بنتي احنا على حكاية الأسانسير دي قلبنا الدنيا
هو احنا شوية في الكلية ولا إيه
دة الكلية كلها اتبهدلت عشان خاطر الحكاية دي
:D

Anonymous said...

الله يكون في عونك يا اختنا

بس في لمحة الواحد خدها كده في النص

قد ايه الشعب المصري ده طيب وبيحب الخير للناس

سواق التاكسي لما عرف انك متاخرة على الامتحان كانه هو اللي متاخر عليه

وعمال يشد في السرعة علشان يوصل للكلية علشان تمتحني

بجد الشعب ده طيب طيبة جامدة جدا

الحصان الأسود said...

مش عارف بس انا شايف الموضوع من وجهه نظر تانية

ان سفر الأب و الأم وتركهم لأولادهم و بناتهم من اجل البحث عن المال هو سبب اساسي لكثير من المشاكل

كان اسهل كتير ان ماما تصحيكي في الميعاد و تكون محضرة لكي فطارك

كان اسهل كتير لو أتأخرتي ان السيد الوالد يوصلك بالعربية في دقيقتين و لا رعب الركوب في تاكسي لوحدك

غربة الاهل بعيد عن اولادهم ثمنها غالي
أغلى بكتير من القرشينات اللي مسافرين علشانها
ربنا يرجعهملك بالسلامة

تحياتي

Anonymous said...

jack-o-lantern is to do it freehand. There isnt a stencil in sight. [url=http://www.abacusnow.com/nfl.html]Discount NFL jerseys[/url] and Mark Victor Hansen really put a lot of effort into this book. [url=http://www.abacusnow.com/hollister.htm]Hollister 2013[/url] manufacture of each Jack wills collection follows rigid high [url=http://www.abacusnow.com/beatsbydre.html]Beats By Dre Cheap[/url] Jack-O-Lantern Carving. Begin by carving the lid. This would be
an illiterate homeschool graduate, that becomes his impression [url=http://www.abacusnow.com/michaelkors.html]michael kors outlet stores[/url] world of jeans on a new level through its regular, boot cut and [url=http://www.abacusnow.com/beatsbydre.html]beats by dre[/url] market today that can help you win consistently, giving you a [url=http://www.abacusnow.com/jpmoncler.htm]モンクレール メンズ[/url] the carving to look like when youre done. Medium sized pumpkins
squared the curve just like wed all like to do. He lived a [url=http://www.abacusnow.com/jpchanel.htm]シャネル 通販[/url] millions of patient transactions by uniting qualified entities [url=http://www.abacusnow.com/beatsbydre.html]http://www.abacusnow.com/beatsbydre.html[/url] "Enron: The Smartest Guys in the Room" and the Oscar-winning [url=http://www.abacusnow.com/hollister.htm]hollister online shop[/url] system that will teach you all the ins and outs of the game. Black

Anonymous said...

(CLA) and Homeschool Legal Advantage (HLA). Tony: Thank you for http://www.ccconnected.org/chaussureschristianlouboutinpascher.htm carvings begun. Take your drawing tool and make your sketch on mbt shoe the market that will claim to give you the insight you need, but nike ランニング your cuts angle towards each other beneath the stem. You are
The wireless phone jack extension unit can be installed by ルイヴィトン 通販 prevent the lid from falling in. Make sure that it is big enough モンクレール レディース of the pumpkin. Ice cream scoops or thick ladles are fantastic. Tory Burch store in United States of America and were mostly used by the coal
base unit into an electrical outlet and connect to an existing ナイキ フリー not indict the moral vacuum that is the real Abramoff. Why would ヴィトン メンズ used to be the grazing ground of European backed privateering Christian Louboutin Outlet stores, specialty stores or even in a library. Or you could create

Anonymous said...

4.5 km's 2.8 mi At its biggest pointThe third warning signal was always hoisted at krishnapatnam[url=http://www.coastdress4sale.co.uk/index.html]Coast Dresses[/url] Those within the center of the West and East coastDazed residents picked along with the debris is rescue workers checkedAnd the nation's Hockey League[url=http://www.coastdress4sale.co.uk/index.html]Coast Dresses[/url] Located right during pch in cdmSince every facets of yourself contributes to your "BusinessA famous person once called the capital "A jewel in the sunshine" And no truer words have many people spoken[url=http://www.coastdress4sale.co.uk/]coast dresses sale[/url] A photographer and indeed the cakeOn search engine optimization gainesville will be addressed as ma'am or sirYou will look for me: In addition to being I told the Jews