بحبك وحشتيني ..

من اسوأ ايام عمري .. يوم الام

في اول اليوم لم اشعر كثيرا بمدى سوء حالتي فمن سيكشن الاورجانيك الى سيكشن السيوتكس

ارهاق رهيب يتملكني

عدت الى البيت لانكب على سريري ونمت نوم عميق .. نوم بعد تعب بيبقى ليه لذة

لكني لم اتمتع باي لذة

فمشاهد من هذا اليوم تعود الى ناظري من حين لآخر

صديقتي تستشيرني بماذا تفاجئ امها اليوم ؟؟

باقة ورد ام هدية رمزية بسيطة

شاركتها الافكار والالم يتملكني من داخلي

هناك حزن عميق للغاية في داخلي .. دموع اكتمها داخل عيني يقوة .. انات حارة تكاد تخرج من قلبي ولكني اداريها بابتسامة زائفة وانفعال كاذب ليوم الام ..


بعد ان استيقظت بدأت رحلة البحث عن كارت تليفون اكلم ماما فيه ..

الخادمة غير موجودة بحثت عنها في كل مكان .. الوقت ازف وانا اريد ان اقول لامي كل سنة وانت طيبة قبل نهاية اليوم ..


عدت الى غرفتي وانا تعبة نفسيا ياربي اليوم حيفوت وانا مقلتلهاش حاجة !!

جاءتني مكالمة من صديقة اخرى .. فلونا عارفة انا عملت لماما ايه دي اتفاجئت جدا جبنالها تورتة وعملنا حفلة ودحكنا وهيصنا !!

لا تعليق بجد .. ولكن كان لا بد مشاركة صديقتي فرحتها ..

صديقة اخرى شعرت بقليل من معاناتي

فلونا تعالي قضي يوم الام عندنا حنفاجئ ماما ونحتفل .. تعالي بدل ما تبقي لوحدك ..

قلت في داخلي بقوة .. مش محتاجة عزوماتكم انا عندي امي ليه احضر اليوم ده مع ام تانية !!

وفي غضب و تلقائية فتحت اللاب و وبدأت اسمع الحان اغنية لا ادري ما الذي جعلني اضعها في هذا التوقيت السيء



بحبك وحشتيني بحبك وانت نور عيني ده وانت مطلعة عيني بحبك موت

لفيت اد ايه لفيت ما لقيت غير في حضنك بيت وبقولك انا حنيت بعلو الصوت

وكان الوقت في بعدك واقف ما بيمشيش وكأنك كنتي معايا بعدتي وما بعدتيش

في دم حبيبتي وامي وزي ما اكون ببتدي اعيش ...


بجد يا ماما لفيت كتير وعايشت ناس كتير بس دفا حضنك مش لاقياه عند حد

بحب نظرتك بحب لمستك بحب حنانك ... بحبك يا ماما بحبك

اللحظة بتعدي عليا ايام في بعدك

ايامي كلها ملهاش طعم من غيرك ..

محتاجاكي .. بجد محتاجاكي


بعدت وكنت حعمل ايه .. مين اختار غربته بايديه

لكن حبك ده منستهوش وعايش فيا

ليه اتأسف على الغيبة مغبتيش لحظة وقريبة

ماحدش عنده كدة طيبة وحنية ..

غربتنا مش في ايدينا .. بس صعبة علينا .. اللي يهون عليا انك في قلبي .. حبك عايش فيا .. لهفتك علي حاسة بيها ..


كل سنة وانتي طيبة يا ماما .. كل سنة وانتي علطول قريبة مني .. لو المسافات بينا بعيدة .. فلوبنا قريبة من بعض !!



سطرت هذه الكلمات لانشرها لكم ثم لمحت عيناي الساعة

تشير الى التاسعة مساء امي على وشك ان تنام وانا لم اكلمها ..

ممنوع الخروج من السكن في هذا الوقت ومفيش حد يشتريلي الكارت

تقاطت الدموع التي كتمتها طوال اليوم .. عزت عليا نفسي اوي ابقى مش عارفة حتى اكلم ماما يااااااه هيه وصلت لكدة

سبحانك يارب اللي بتبعت مواساتك لعبيدك

في وسط الدموع وانا امسك بالموبايل وانظر اليه بصمت وامل ..

لقيت ويسبر بتكلمني :)

ايه يا بنتي اللي خلاكي تتكلمي دلوقتي .. سبحان الله بجد !!

فتحت بكل قوة وصرخت .. ويسبر .. مش عارفة اكلم ماما .. البنت اتخضت يا عيني

وكان الحل منها سريعا .. استني حبتين حشتريلك كارت وابعتلك نمرته وبعدين تبقي ترديهولي !!

البنت دي صابحتي بجد .. وفعلا نزلت اخوها يشتريلي الكارت !!

كأن ربنا بقولي يمكن حرمناك من حاجات لكن عوضناك بحاجات تانية !!

فعلا سبحان الله النظرة التفاؤلية موجودة في كل حاجة هوه الواحد بس يحاول يلاقيها

الحمد لله على كل شيء