قمة بين اولمرت وعباس ومبارك وعبد الله الثاني الاثنين في مصر
مممممممم
بعد الاحداث المتسارعة الاخيرة
كان من المتوقع عقد اي منظر ( اجتماع يعني ) بين الاخوة الاعضاء الكرام لمناقشة ما حدث في غزة
والذي يعتبره البعض انقلاب ضخم يستوجب وقفة امنية حادة
يمكن تقلب بحرب مين عارف
:) :)
اعدت اقرا في الخبر وادحك وانا خايفة
هيه عادة الاجتماعات دي مبتجبش نتيجة اوي
بس مع معرفتنا ان فيه رؤوس كبيرة وراء الموضوع
يبقى احتمال ان الموضوع يقلب جد
باعتبار انه كان تهريج يعني في الاول
:) :)
تفتكروا الناس دي حيطلعولنا قرارات ممكن تقلبها على دماغنا ؟؟
ولا احنا ممكن ندي ثقتنا الكاملة في حماس في صد اي تنظيم ممكن يتعمل ضدهم
مش عارفة
بس اللي متأكدة منه ان الايام الجاية اكيد تحمل لنا الكثير
في ظل الظروف الراهنة
يختلج قلبي شعور باني مش طايقة نفسي
:(
حاسة اني تايهة اوي وحاسة اني تعبانة اوي وانا مش وسط شعبي
حاسة اني بعيدة عنهم اوي وعمري ما ححس باللي هم حاسين بيه
!!
ساعات بعد اقول ياربي لو انا وسط شعبي دلوقتي مش كنت حقدم ليهم كتير
!!!
مش عارفة بس اكيد كان وضعي حيبقى احسن من وضعي دلوقتي
وانا بعرف اوضاعهم زيي زي اي مواطن من التلفزيون
انا نفسي اشم تراب وطني ونفسي احس بنسيم هوائه
نفسي اجري بين تلاله ونفسي ارجع اتكلم لهجتي الاصلية
انا حاسة ان هويتي اتمحت خلاص
ولا هيه اتشهوت وحترجعلي في يوم من الايام ؟؟
مش عارفة مش حاسة اني ممكن اشوف بلدي دي على الاقل في عهدي
بس بجد لو ضاقت بي السبل يبقى مفيش غير اني أأجر طيارة اروح بيها بطريقة غير قانونية الى فلسطين لحد لما الرادار يلقطني ويبعتولي صاروخ يفجر طيارتي
وتنزل اشلاء جثتي على تراب وطني لتلامسه
....
7 comments:
:)
ربنا يكرمك يا فلونا
:)
انتى لو روحتي هناك هتبقى مواطنة معاهم... هتفيديهم بإيه غير لو كنتي فعلأً حاجة كبيرة
بجد يا فلونا لو عاوزة حاجة كبيرة
استغلي الفترة دي دلوقتي و كوني فكرك و نفسك بشكل قوى اوى
عشان فعلًأ تنفعيهم و تساعديهم
:):)
بالنسبة للمؤتمر
مش متوقعة منهم اي جديد الحقيقة
بلا بتاعة :s
ربنا يكون في عوننا يارب
الواحد بقا بيتقهر من الكلام في الحاجات دي
كلها بلاد الله
وإن شاء الله ترجعيها وهى متحررة
وزى ما الأخت المجاهدة قالت علشان تساعديهم بجد لازم تكونى نفسك :)
وفكرك علشان تقدرى تخدميهم بجد
ولو انى مبقتش بسمع اخبار كتير عن الصراع العربى الإسرائيلى زى الأول !
اتمنى يكون السكون الذى يسبق العاصفة
ونقدر نساعد ونفيد العاصفة وحضرتك اولنا إن شاء الله :)
اسعدنى مرورى
وجزاكى الله عنى خيرا
:(
انتى عارفة انا فى الحاجات اللى زى دى مبعرفش اتكلم و لا بعرف اواسى ولا
اتواسى
انتى عرفة كلنا محتاجين نواسى بعض مش الفلسطينين بس
يلا ان شاء الله ترجعى بلدك وانتى حاجة تقدرى تساعديهم بيها
تحياتى
السلام عليكم
ايه يا فلونا .. مبدئيا فلسطين بلدنا كلنا .. ده اولا ..
وثانيا بقا يا ستي .. والله كلنا عايزين نروح هناك .. احساس بشع .. كل اللي بيحمل ذرة من حب الله والرسول لاازم يكون حاسه
كلنا نفسنا نلمس ترابها .. نصلي في مسجدها .. ونشوف شوارعها ..
يا ستي احنا بنسعد بمجرد أننا نسمع حد بيتكلم لهجتها
كلنا نتمني نشارك في نصرتها .. ونعبر حدودها .. بس تستمر الحاياه .. ولازم نعمل كل اللي في وسعنا من أجلها .. الدعاء .. والتبرعات مثلا
بس الأهم .. أننا نكون مستعدين لما يشاء ربنا ونلاقي باب الجهاد اتفتح .. نقدر نقدم حاجه ..
يا ريت ندعي نروحها سوا:)
شيء صعب جدا انك تكون وسط اهلك
بس في علامات استفهام كتير اوي للي بيحصل في فلسطين الايام دي
الموضوع مش قمة ولعب عيال الموضوع فعلا غريب
اسرائيل واقفة تتفرج وحماس وفتح قايمين بالواجب
اهلا وسهلا
:ٍS:S:S:S:S
ربنا يستر ....مع اني شايف ظلام قادم مش عارف ليه
محمد شبل
سألت سؤال فى المدونه عندى ويهمنى جدا اعرف رأى المدونين و ازاى هيجوبوه
عسى ان تعم الافاده
.
.
.
الدعوه عامه
Post a Comment