الايام اللي بعيشها دي بتفكرني باغنية ايام وبنعيشها
ياااه تعبت تعب فعلا متعبتوش قبل كدة ابدا !!
في وسط خضم الامتحانات انتظر ولادة اختاي منى ومروة
منى حتولد في الاسماعيلية ومروة حتولد في الامارات
منى معاد ولادتها قبل مروة بكام يوم
عشان كدة ماما جت تشهد الولادة الاولى لمنى اختي :)
انا اعدة في اسكندرية بمتحن وانا على اعصابي مستنية في اي وقت خبر ولادة اختي
اختي = انتيمتي وتكفي الكلمة دي لتعبر عن علاقتي بمنى
تعتبر روحي التانية :)
المهم امتحنت المواد كلها وفضل عندي المادة الاخيرة
وكنت مطالبة باعمال لا يقدر عليها الا الرجال من نقل لثلاجة وميكروويف واستقبال ميكانيكيين وخدامين وحاجات كدة مش حدخل في تفاصيلها
وفي وسط ده كله جالنا خبر ولادة منى
منى جابت جنا :)
كانت سعادتي لا توصف رغم تعب اختي الشديد في الولادة الا انها رزقت باول بنوتة لها واسمها جنا
وزي القمر ما شاء الله
القوا نظرة كدة على البنوتة
قولوا ما شاء الله :)
خلصت امتحاني يوم 17/ 6 لاركب اول قطر رايح الاسماعيلية
مفيش ادامي غير سويعات اشوف فيها بنت اختي عشان طيارتي الى الامارات يوم 18 / 6 ظهرا
وفعلا وصلت لاخذ جنا في حضني بقوة وتكاد تدمع عيناي من شدة تأثري ان منى اختي وحبيبتي اصبحت اما لبنوتة جميلة زي جنا
ومفيش نمت كام ساعة برضه لاكمل 4 ايام من عدم النوم والارهاق الشديد
فأستيقظ على اصواتهم قومي قومي عشان تلحقي الطيارة
فعلا قمت بصعوبة بالغة عشان الحق طيارتي وركبت الطيارة
وقبل ما اقفل الموبايل
تليفون جاني
مروة ولدت في الامارات وجابت سارا
لم اصدق اذناي واعدت اضحك جامد اوي
قلت انا سبت نونو هناك عشان اشوف النونو هنه
ركبت الطيارة لاحلق في السماء اربع ساعات تقريبا
ومحاولات النوم باءت جميعها بالفشل ليستقر الامر على مشاهدتي لفيلم تشيكن ليتل وانا عيناي نصف مفتوحتان وضحكاتي نصف ضحكات
فالفيلم مثير جدا زي ما عارفين :)
وبعد هبوط الطائرة وانتهاء اجراءات السفر المملة
ركبت عربية اخويا احمد وبصوت قوي ومتماسك
وديني على المستشفى عاوزة اشوف سارا
وفعلا انطلقت الى المستشفى لاكون بجوار اختي مروة الكبيرة :)
سارا رائعة في جمالها ما شاء الله اعدت معاها دقائق معدودة اتأمل في وجهها لاقارنه بجنا واضحك من داخلي من شدة فرحتي
بس معرفتش مصورها كنت مش قادرة بقى بجد :)
وعدت الى المنزل لاستلقي على السرير متعبة مرهقة
وتأتي مريومة اول بنوتة للعائلة لتزعجني بضحكاتها ودلعها الزائد
مش ححرمكم من صورتها لسة مصوراها دلوقتي وهيه بتزعجني
دلوقتي بقيت خالة لتلات بنات
مريومة اول بنوتة
وسارا اختها لسة مولودة النهاردة :)
وجنا البنوتة الجميلة
حقي افرح مش كدة
:9 :)
22 comments:
مبروك علي جنا
ومبروك علي سارا
ومبوك رجوعك بالسلامة
ومبروك انك مع مريم وبتغلس عليكي
حد لاقي قمر زي دا يغلس عليه
احلي شئ ان الانسان يرع لبيته ويكون وسط اهله
:))
مبروك عليكى يا قمر
وعلى اخواتك
وان شاء الله نباركلك على الامتحان كمان
تحياتى
اخ محمد :
اه بجد احلى حاجة انك تحس انك وسط عيلتك
اد ما مريم دلوعة جدا بس اول ما بزعق فيها قلبي برق وارجع الاعبها تاني
بجد مش ممكن بنوتة دماغ اوي :)
بريك :) :)
الله يكرمك يارب عقبالكم انتم
انتم خلصتوا امتحانات صحيح ولا لسة ؟؟ :)
يلا ربنا معاكم
ربنا يخكيهملكوا
ايه السكر دة
دول زى العسل بجد
يا رب يبارك فيهم يا ست الكل
وربنا يقربك من اخواتك كمان وكمان
الإخوات أحلى حاجة فى الدنيا
انا كمان لية اخت انتيم قوى معايا بس عايشة دلوقتى فى أبو ظبى
ربنا يجيبها بالسلامة
بجد انتى سكر
الف مبروك
الله يكرمك يا ياسمين :)
انتي اختك عندنا بقى :D
لو عاوزة توصليلها اي حاجة بقى :)
ربنا يجمعكم ببعض قريب يارب :)
اخ عمرو غريب الله يبارك فيك يارب جزاك الله خيرا كثيرا :)
:) تــبارك الله ... ايه التدوينة الجميلة ديه
حقيقي تجبر اللي يقراها انو يبتسم
مبروووووك عليكو .. جانا .. وسارا (بس هي ليه بالألف ؟ )
وحمدا لله علي السلامة يا قمر مع أن مصر ظلمت .. :)
الله يكرمك يا رب يا كليوباترا :)
انا اساسا بضحك لما اشوفهم :d
عقبالكم جميعا يارب
الله يسلمك بقى بتحرجيني والله :)
اول زياره هنا ...و مدونتك رائعه ما شاء الله
والف مبروك على جنا وسارا
وماشاء الله زى الامر
بسم الله الرحمن الرحيم
تحية اخلاص ومحبه و...مبروك
مبروك لأخواتك الاتنين
بالمناسبه أنا مدون جديد ودي اول مره أدخل عالبوست بتاعك بس بجد أنا مبسوط أوي لأن حسيت أن اللي ربنا رزقها بالبنوتين هيا انتي مش خواتك من طريقة كلامك وفرحتك .
مره تانيه مبروك ويارب ترجعي بالسلامه وعقبالك.
بالمناسبه انا كمان من اسكندريه
تحياتي....محمد علي..جارالقمر
www.garalkammar.blogspot.com
ألف مبروك أختى على البنوته الأولى الجميله دى
وربنا يخليهالكوا كلكم
أما البنت اللى زى العسل اللى فى أخر دى عندى سؤال بخصوصها
هى مخطوبه ؟؟؟
ندعوكم للمشاركة معنا فى
( الملتقى )
ملتقى امدونين
ملتقى الافكاروالاراء
فى مدونة واحدة تجمع افكارنا
تسعدنا مشاركاتكم معنا
ماشاء الله ربنا يباركلكم فيهم يارب
واحلى حاجه ان البنوته التانيه على اسمي:)
ربنا يحيهم يارب هما التلاته وتفرحي دايما ياجميل
ومدونتك ماشاء الله عليها تحفه
ربنا يكرمك
....سمسمه
حراس الحقيقة :) :)
ربنا يباركلك يارب تشرفني زيارتك ليا بجد :)
وعقبالك بقى في بنوتة اجمل من كدة :d
اخ محمد علي :)
ربنا يباركلك يارب ويجزيك خيرا :)
انا فعلا مبسوطة جدا جدا حاساهم بتوعي انا مش بتوع اخواتي :d
تشرفني زيارة حضرتك ربنا يكرمك يارب :)
اخ مؤمن محمد :)
ربنا يكرم حضرتك يارب بجد :)
هيه عموما avaluble دلوقتي ممكن تلحقها قبل ما تتحجز مع اني اشك انها توافق :d :d
ربنا يكرم حضرتك تشرفني زيارة حضرتك :)
قلب ابيض :)
جزاك الله خيرا كثيرا
سارا :)
الله يكرمك يارب ه يشرفنا انها تبقى على اسمك :d
اسعدتني زيارتك بجد :)
مبروووووووووووووووووووووووووووووووووووووووووووووووووووووووووووووووووك
ماشاء الله يتربوا فى عزكوا .. البلوج لطيف خالص على فكره
الف مبروك
و ربنا يعينك على نقل الثلاجة :D
باربي جيرل :)
الله يبارك فيكي يارب منورة :D
اسطورة : الله يكرمك يارب ده بس من ذوق حضرتك :)
اخ خطاب الله يبارك فيك يارب
خلاص نقلتها بعد ما تكسر ظهري :D
الحمد لله :)
:d
شكلها في اخر صورة و هيا لابسة النضارة و بتضحك مش طبيعية بجد
:d
عاوزة العب معاها شوية
:d
ربنا يبارك فيهم يا رب
:)
عقبااالك يا عم:d
i'm not amember but i'd like to commentit's really fascinating to face these wonders but i'm happy to c da baby it's an angel..... waiting 4 other pictures as u know i adore photos.......
mabsota awy eny shoft el babe ya moony laziza shaba mona showaya sa7? ur site is great bas enti keda sebti el montada wala eih... anyway alfen mabrok 3ala 27la 2 babies>...
Post a Comment