النهاردة لسة مخلصة امتحان الكوجنوزي
وما ادراك ما الكوجنوزي
فمجرد اني اخلص الامتحان , ده في حد ذاته فرح محتاجله زفة ومعازيم
فقلت ادخل البلوج العزيز
وافرفشلكم شوية
النهاردة دخلت لدكتورة امتحن عندها شفوي
المهم كانت اكسترنال انا قلت حتوكل على ربنا وادخل
دخلت واعدت مع تلات بنات امام مصيرنا المميت
عينات المورفولوجي ادامنا وعنينا جايبة يمين وشمال ياترى حتسألنا في ايه وحتستنى علينا ولا لأ
انا كنت موقنة تمام اليقين اني حنيل الدنيا بما اني نيلتها في الامتحان فلازم انيلها في الشفوي
الكوجنوزي ده بطير طيران والله
المهم لقتها بتسألنا عن اسامينها
فقلتلها اسمي ببراءة شديدة
ايه ده يا جماعة ملاك بريء اعد
لا مش ملاك الصراحة كان كتكوت مبلول
لقيتها بتبصلي نظرة شزرا كدة
وبتقولي
ايه ده انتي فلسطينية ؟؟
وهنا تسارعت دقات قلبي
ماهي يا تبقى مناصرين للقضية الفلسطينية وتمشي معايا زي السكينة في الحلاوة
يا بقى تقولي كلام يوجع قلبي وده اللي بيحصل من ناس كتير للاسف
قلتلها بشك
اه
قالتلي وايه اللي جابك هنه مش تعدي في بلدكم احسن
مممممم شطت غضبا للحظة بعدين رجعت لعقلي
اعقلي يا بت يا فلونا دي معايا 30 درجة
طيب قلتلها لا ماهو انا عشان ماما مصرية
قالتلي وعندك حد هناك
وهنا قلت حردهالها في الكلام بطريقة مش مباشرة
رحت قايلة بحدة
اه عندي عمتي وماتت من شهر
سرعتي في القاء الجملة وانفعال خلوها تبرفقلي كدة
قلت اوباااااا
خليني ارجع لعقلي تاني
عدلت من وضعيتي لتعود نظرة البلاهة ترتسم على وجهي من جديد
قالتلي ماتت بالرصاص ولا ايه
قلتلها لا موتة طبيعية والله !!
البنات اللي معايا راحوا بصينلي انه اسكتي عشان طريقة كلامك بايخة
قالتلي طيب مش بتروحي هناك ليه
قلتلها للاسف مليش اني ادخل فلسطين معايا وثيقة مصرية
راحت قالتلي بسرعة احسن برضه
اتنفرزت اوي وسكت !!
احسن برضه ايه ده الواحد يتمنى يروح هناك
يلا مش مشكلة اخرها ايه يعني تديني درجتي وحمشي من عندها وخلاص
مش حقولكم طبعا الامتحان والاسئلة خلاص بقى داروا عليا
بس الطريف اني في الاخر وانا ماشية ايديا جت على عينات المورفولوجي ورحت موقعة منهم حاجات
ليدوي الصوت ويرن في ارجاء المعمل وهيه بتبصلي بنظرة ثاقبة
ان قلت خلاص خدت الزيو فور شور
تمالكت اعصابي وعدت لنظرة الكتكوت المبلول بتاعتي ليتردد صوتي خائفا مرتعشا
انا اسفة سوري بجد بجد
المهم انا خارجة من الامتحان بضحك اوي
اد ايه انا عندي مواهب ممثلة بارعة
طب والله صيدلة دي بتكتشف فينا مواهب جامدة
ولسة ياما حنشوف :)
22 comments:
كوجنوزي .. إمبراطورية الشر :d
بس إيه ده أنا قعدت أتخيل اللي بيحصل
ضحكت أوي :LOL:
إمتحانات الشفوي دي بيحصل فيها بلاوي ولله
في إمتحان الكوجنوزي بتاعي
كنت داخل وبايع القضية تماماً
المهم حظي جه مع دكتورة المادة
بس طيبة والله
فمن الطريف بتسألني على حاجة في ال Liquorice
كان في الCrystal Sheath
فبقولها فيه كذا كذا كالسيوم أوكزاليت
قلتلها بثقة ده أنا صبغه بإيدي في المعمل
رحت بصالي كده وقالتلي وصبغته بإيه
قلتلها فلورجلوسينول وإتش سي إل
قالتلي الكالسيوم أوكزاليت لما تحط عليه إتش سي إل هيصحله إيه
قلتلها بكل ثقة
هيدوب :D
قالتلي أمال إنت شفت إيه في المعمل !!
قعدت أضحك
ههههههههههههه
ورحات قايلة واضح إن شغلكوا في المعمل عالي أوي
الحمد لله عدى على خيير
بس أنا أول مرة أعرف معلومة فلسطينية دي :)
:d
ربنا يكرمك يا فلونا :)
منورة النت بجد :)
كنت بسمع كتير عن امتحانات الشفوى من اختي و ابن خالتي.. بس هما طب مش تبعكم
بس الظاهر ان امتحانات الشفوى مصيبة واحدة في اي كلية :d
ربنا يعزك
اول مرة اعرف حكاية عمتك :(
البقاء لله..
كنتى تقولي يا بنتي ادعيلها :(
ربنا يغفرلها و يرحمها..
و كويس انك خرجتي من الامتحان مبتسمة :):)
احنسلك والله:)
ربنا يسعدك بالنتيجة :)
صبغت الكريستال شيث باتش سي إل ؟
سبحان الله
حضرتك بتكسر قوانين الكوجنوزي كلها
بس أهم حاجة في الدنيا الثقة
مهما كان اللي بيتقال
غلط ولا صح
بس مش لدرجة صبغ الكريستال شيث باتش سي إل !!!
ألا هو حضرتك بقى شفت إيه في المعمل بعد ما صبغته ؟؟؟!!! من باب المعلومات العامة بس
:D
فلونا معلش
أنا لا سألتك على تفاصيل شفوي ولا نظري
بس انتي عارفة بقى اللي أنا فيه
عموما حمد لله على السلامة
كفارة
مش المهم الامتحان عدى ازاي
المهم إنه عدى
:)
إحم إحم ..
لا هو أنا مش ضايع أوي كده
بس كنت متلخبط
أصل أنا كنت فاكر السكشن ده اشتغلنا فيه كذا حاجة
كان منهم باين الجينشيان
المهم كان فيه حاجة بتتصبغ وبتطلع زي الفل
أنا بس اللي مكنتش فاكر أوي
بس بحب أتكلم بثقة دايماً
-_-
حتى المعيدة جت تزبطه معايا وتقولي برافو وكده
-_-
آه ما أنا عارفة
يعني لو حضرتك ضايع امال أنا أبقى إيه ؟
على الأقل حضرتك بتحضر السيكشن وتعمل التجارب وبعدين تلخبط بينها
في ناس تانية مش بتحضر وبتفبرك الغياب
ولما بتحضر مش بتشتغل
دة كدة حضرتك متفوق
:D
اهلااااا بالعسولة الصيدلانية
مش صيدلة برضو يادفعه واللا ايه
والحمدلله ربنا رحمنى من الشفوى دا ولاجربته خااالص
وكفارة ياستى من الامتحانات.. عقبال ماتفرحينا بالنتيجة
:D
هي في كلية ايه يعني دي ؟
بس ارفعي راسك انتي فلسطينية
اه و الله
اهي الدكتورة دي هتشوفي منها كتير
حاجه تنرفز و خلاص
اتغظت جدا من البني أدمايه اللي سالتك الشفوي ده
بس الاسلوب والردود يهلكو :D
ايه دا فلسطينية بجد؟!!!!!!!!!
امال مبتروحيش هناك ليه :D
لا بجد ردودك عليها ز ى العسل
دمك خفيف موت
واللى بتستخدم نظرات البراءة عندنا فى الجروب لوزة ممكن تتمسكن على اى دكتورة كدا تخليها تديها الفول مارك
تحياتى
السلام عليكم ورحمة الله
مدونتك حلوه جدا ماشاء الله
بس لفت نظرى حاجه فى اخر بوست ... ليه الناس بتدايق انك من فلسطين او بيتكلموا بطريقه بايخه ؟ مش فاهمه يعنى
صحيح انى مصريه بس مش عارفه افهم ايه مشكلتهم يعنى
معلش متزعليش
بجد المدونه لذيذه فعلاااااا
والبوست تحفهه
ودمك شرباااااات
اما بقى للست بريك مش مكفيها التسيح الى على المدونه لا رايحه لمدونات الناس كمان
بريك ارحمىىىىىىىىىىىىىىىىىىىى
وبعدين انا عرفت انا عكيت فى شفوى العقاقير ليه دلوقتى
الدكتوره تقريبا ادتنى صفرررررر
كان عندنا ورده وفتحت
معلش بقي
في من نوعية الدكتورة دي كتير
سيبك انتي
بس النهم انك اكتشفتي موهبة جديدة فيكي:)
هو بغض النظر عن الحاجات إلي كانت في الأول ومش فاهميين منها حاجة والحاجة إلي في الآخر بردوا ولم أفهم من حاجة بردوا ... يعني يا ريت تراعوا إن في ناس تجارة بتدخل البلوج ... مش كدا يعني ...:(
لا أعلم ولكن أري إن الواحد لازم يأخذ موقف لصالحه في أي محادثة يدخل فيها ... فكونك فلسطنية هذا شرف لكي ... كونك تحملي فكر معين دا شرف ليكي بردوا ... كونك مسلمة بردوا دا شرف ...
اعتقد لو ان إحنا كنا واثقيين من نفسنا في المواقف دي سوف تعطينا نقاط قوة في حاجات كثيرة أوي في حياتنا ...
بس بردوا التمثيل بيخلص مواقف كثير بردوا :D :D :D
دكتور عمرو
هههههههههههههه
فكرتيني بالثقة الزائفة بتاعة زميل ليا
كان داخل لدكتور ذكي اوي في الاورال بتاع السيوتكس
الدكتور بسأل اسئله مع نفسه عشان يفهم انت فاهم المنهج ولا لأ
فبقوله ليه في اليمن مش بيسلقوا البيض ؟؟
الولد بكل ثقة
يا دكتور يمكن مش بحبوه مسلوق !!
:d :d :d
المجاهدة : الله يكرمك يارب ياريتك تجربي مرة تدخلي لدكتور شفوي ويبقى في ايديه تلاتين درجة من بتوعك
ابقي قوليله ساعتها توأمتي وبستغربني اوي
ههههههههههههه
ويسبر :)
يلا مش مشكلة بس لو سمحتي عاوزة تعويض بالشوكولاتة بتاعة الامارات يعني احم احم
SoRsaRaa
الله يكرمك يا بنتي
صيدلة طبعا وامال ايه
:)
يلا ربنا معاكي فين ما كنتي
هوه فعلا صعبة لما يبقى مصير درجاتك في ايادي مجهولة :)
AbdElRaHmaN Ayyash
كلية صيدلة حضرتك :)
طبعا رافعة راسي انا اساسا فخورة لكوني اجمع بين جنسيتين بجد بحبهم جدا
نصفي مصري ونصفي فلسطيني
الحمد لله بجد :)
cleopatra
يا بنتي وامال احنا نعمل ايه
لازم الصبر في المواقف دي :)
ربنا ما يوريكي :)
بريك : الله يكرمك منورة البلوج والله
نظرات البراءة دي انا بدي فيها كورسات ابقي قولي للوزة تتواصل معايا واحنا نعمل شركة كيف تأخذ الفول مارك في الشفوي بنظرة عين :d :d
Trurh Guard
جزاك الله خيرا :)
اما بالنسبة لحكاية فلسطينيين والله يا بنتي انا نفسي مش فاهمة فيه جزء كبير من المصريين مش بحبوا الفلسطينيين ولا بيتقبلوهم ومقولتهم المشهورة لهم
انتم اللي بعتوا ارضكم !!
بتخنق اوي من الناس دي !!
بس الحمد لله في جزء زي الفل وانا يعني يغلب علي الطابع المصري اذا كان مش كلي مصري اصل مش بينفع اخش فلسطين وصحابي كلهم تقريبا مصريين
لوووزة :)
منورة يا باشا والله
وخدي بالك بريك مش هنه بس مسيحالك ده في كل حتة
انا بس بهدي النفوس :d :d
اخ محمد :)
جزاك الله خيرا لأ انا منفضة خالص اساسا
زي ما قلت المواهب الجديدة اساسا مكسب في الكلية دي :)
اخ شارقاوو :)
يسعدني رد حضرتك بجد
بالنسبة للحاجات اللي مش مفهومة يلا واحدة بواحدة محنا بنعد وسط شلة تجارة بنبقى مش فاهمين اي حاجة :d
اما بالنسبة للثقة فدي موجودة بس لازم تبقى حذر في التعامل انت الدكتورة اللي ادامك مش عارفلها وفي نفس الوقت بايديها تنجحك او تسقطك والمسلم ذكي فطن
بس ده لا يمنع انك تبين ثقتك بطريقة مهذبة من غير ما تجرح او تآوح حد :)
فلونتتى...واحشانى اوى يا بنت انتى و صابحتك ويسبوره :D
الحمدلله انه عدى على خيير يا بنتى.فعلا فى شخصيات رخمه كده بنقابلها كتير بنضكر اننا نمثل عليهم عشان نبعد عن اذاهم
يلا الحمدلله انه عدى على خير
و البقاء لله.مكنتش اعرف
:)
اول مره ادخل البلوك على فكره يا بنوتتين انتوا و شكرى هلقى مقيمه فيه هنا...لو متمانعوش يعنى
:D
:D
اوعى يكون علشان كلمتى واحدة قبلها كدة :D
ايه ده انتي فلسطينيه . . بجد
- بهرج - بس الدكاتره بتشوفي منهم حاجات غريبه . . عقد بقى
بس أهم حاجه انك مبسوطه و مفرفشه . . سيبك انتي
الشفوي ده طول عمره بخت . . زي البطيخ يا طلعت قرعه يا طلعت حمرا
keep going . . .
كاتروز :)
الله يكرمك يا بنتي ليكي وحشة كبيرة جدا :)
ومنورة البلوج والله
ده كله تحت امرك يا بنتي :)
كاااات
تصدقي يمكن :D
دكتور نايت وينج :)
والله ياما حنشوف
بس فعلا احلى حاجة الواحد ياخدها فرفشة ويعديها بضحك :)
الله يكرمك :)
eih dah ya moony lazem keda te3melly 7aga manfa3sh el modoo3 abadan la2 mesh tarbity 7'ales ana rabetek 3ala keda (hehhehehehehe)bas yalla 2hoemti7an we 3ada
تحفة بجد يا فلونا
بصراحة الامتحانات الشفوي دي بيحصل فيها اكتر كوسة في الدنيا
عاملة زي البطيخة يا اما حمرا يا اما بيضا
وانا السنادي شروة البطيخ بتاعتي كلها كانت قاااارعة
الحمد لله على كل حال
Post a Comment