طــــــــ ـراسك ـــــــــــاطي ...طاطي طاطي

قريت كام خبر النهاردة بجد رفعولي الضغط .. بقيت بجد حاسة بخنقة.. وبدأت أفقد الأمل إن الحال يتصلح
دة أهمها :
منح الرئيس حسني مبارك رئيس الجمهورية القائد الأعلى للقوات المسلحة وسام الاستحقاق من الطبقة الأولي للفريق أول جون أبي زيد قائد القيادة المركزية الأمريكية تقديرا لمجهوداته في دفع علاقات التعاون العسكري المصري الأمريكي بمناسبة إحالته للتقاعد وذلك أثناء زيارته لمصر أمس . وقد أناب الرئيس المشير حسين طنطاوي القائد العام للقوات المسلحة وزير الدفاع والإنتاج الحربي في تقليده الوسام
أنا معنديش تعليق غير دة:
طاطي راسك طاطي طاطي .. انت ف وطن ديمقراطي
.. انت بتنعم بالحرية .. بس بشرط تكون مطاطي
لما تكون شغال بذمة .. خايف على مصلحة الأمة
.. شغلك يطلع من غير لازمة .. علشان مبيعلاش غير واطي
طاطي راسك طاطي طاطي .. انت ف وطن ديمقراطي
لما حاميها يكون حراميها .. وبلاده ورا ضهره راميها ..
طالع نازل واكل فيها .. مسنود بالبدلة الظباطي
طاطي راسك طاطي طاطي .. انت ف وطن ديمقراطي
لما شقاك يصبح مش ليك .. فقرك سد السكة عليك
تتلفّت تلقى حواليك .. إما حرامي و إما عقاطي
طاطي راسك طاطي طاطي .. انت ف وطن ديمقراطي
لماتلاقي بلاد الدنيا .. فيها البني آدم حاجة تانية
.. وانت في الطبقات الدنيا .. قرد مسلسل أو وطواطي
طاطي راسك طاطي طاطي .. انت ف وطن ديمقراطي
لما الجهلة يبقوا أمامك .. أو فوقك ماسكين ف زمامك ..
ويسوقك ع الهلكة إمامك .. تشرب م السم السقراطي
طاطي راسك طاطي طاطي .. انت ف وطن ديمقراطي
لما الكلمة تكون بتدينك .. لما تخبي ف قلبك دينك ..
لما الذل أشوفه ف عينك .. هات إحباطك على إحباطي طاطي
راسك طاطي طاطي انت ف وطن ديمقراطي .. انت ف وطن ديمقراطي


أحمد فؤاد نجم


فليحيا الوطن الديموقراطي