اعلان هام : تم تأجيل بوست بورتو مارينا لظروف السفر وكدة :)
انتظرونا مع حقائق ووقائع اليمة في بوست بورتو مارينا يوم الاحد ان شاء الله ..
طبعا أنا مش بكتب زجل أصلا يعني :D
دة تقدروا تقولوا نوع من الاستهبال
نظام ما بعرفش وهكتب برضه
كنت قريت خاطرة للصديقة ( رانيا ) قريب
وعجبتني الفكرة بتاعتها
فقعدت أكتب شوية ملاحظات وحاجات
في الآخر طلعت البتاعة دي
بس خلاويص
:D
حاسّة بيّا ؟
كل يوم بيمر بينا
يبعدنا أكتر عن بعضنا
يفرق ايدينا
يشوه صور كانت في يوم
حلوة في عينينا
بعد كل ما كان ما بينا
بعد حب زمان جمعنا
كنا نخلق بين قلوبنا
فرحة رايحة وفرحة جايّة
نرسم الحلم الجميل
نمسح الدمعة اللي سايلة
نوعد الوعد ونصونه
نحفظه ولا يوم نخونه
نقتل الشك وظنونه
كان زمان
حب دافي وقلب صافي
و كان وكان
بس راح الحب هان
شوقنا بطل ليه ينادينا
حبنا مات بين ايدينا
فرحنا مابقاش يجينا
حلمنا قدام عينينا بيحتضر
والجرح زاد جوا القلوب بيتحفر
ايام الفرح فين ؟ ... لو تفتكر
قلبي مش قادر ينتظر
طب حاسة بيا ؟
شايفة رجفي اللي في ايديا
شايفة دمعي بين عينيا
طب حاسة بيا ؟
حاسة حزني زاد عليكي
حاسة قلبي اللي انجرح
لما شاف نظرة عينيكي
نظرة باعت حبي ليكي
حاسة بيا ؟
نفسي يرجع جوا قلبك حب ليا
نفسي قلبك يصفى ليا
نفسي أداوي جرحي بيكي
نفسي أرجع تاني ليكي
نفسي يرجع حلمنا تاني بايديكي
ليه سمعتي لما قالوا ليكي عنّي
إني كنت .. أو بإنّي
ليه سمعتي ؟
لما كان ممكن تجيني
تسأليني وتسمعيني
بس مهما قالوا هما
عارفة إنك لسة فاهمة
لسة شايفة ولسة عارفة
سامعة قلبي بيناديكي
حاسة روحي رايحة ليكي
حاسة بيّا ؟
عارفة إني كتير ما بغلط
ساعات في حقي
كتير في حقك
بس دة طول عمره طبعي
وعارفة إن العفو طبعك
كنت بس عايزة أسأل ؟
هي دي نهاية الطريق ؟
كنت بس عايزة أقولك
قلبي من غيرك غريق
حاسة بيّا ؟
لسة ناوية ترجعيلي ؟
قولي بس وريحيني
اكسري الصمت اللي ساجنك
اقتلي الحزن اللي ساكنك
واعلني في وشي القرار
ليه بصمتك تقتليني ؟
قربيني أو ابعديني
بس قولي و ارحميني
علّي بيها يلا صوتك
اخرجي من ليل سكوتك
من السكوت اتهدّ عودك
فاكرة وعدي
فين وعودك ؟
مهما كان هفضل ودايما
حاسة بيكي
ونفسي أكون جمبك وليكي
تحبّي أكونلك إيه وأكون ؟
ريحيني من الظنون
ممكن أبعد لو يهون
والفراق بينا يطول
بس أنا نفسي أقرب
قولك إيه لو نجرب ؟
نرجع الحب القديم
تحسي بيا و أحس بيكي
تكوني ليا وأبقى ليكي
أشيل همومك أخاف عليكي
نفسي أرجع الابتسامة
اللي فارقت يوم ملامحك
ضحكتك ترجع لقلبك
تنسي كل حزن حارقك
تمسحي بالفرح دمعك
يلا قولي و سمعيني
عايزة أسمعك تاني تناديني
بس نادي وتلاقيني
:)
كل يوم بيمر بينا
يبعدنا أكتر عن بعضنا
يفرق ايدينا
يشوه صور كانت في يوم
حلوة في عينينا
بعد كل ما كان ما بينا
بعد حب زمان جمعنا
كنا نخلق بين قلوبنا
فرحة رايحة وفرحة جايّة
نرسم الحلم الجميل
نمسح الدمعة اللي سايلة
نوعد الوعد ونصونه
نحفظه ولا يوم نخونه
نقتل الشك وظنونه
كان زمان
حب دافي وقلب صافي
و كان وكان
بس راح الحب هان
شوقنا بطل ليه ينادينا
حبنا مات بين ايدينا
فرحنا مابقاش يجينا
حلمنا قدام عينينا بيحتضر
والجرح زاد جوا القلوب بيتحفر
ايام الفرح فين ؟ ... لو تفتكر
قلبي مش قادر ينتظر
طب حاسة بيا ؟
شايفة رجفي اللي في ايديا
شايفة دمعي بين عينيا
طب حاسة بيا ؟
حاسة حزني زاد عليكي
حاسة قلبي اللي انجرح
لما شاف نظرة عينيكي
نظرة باعت حبي ليكي
حاسة بيا ؟
نفسي يرجع جوا قلبك حب ليا
نفسي قلبك يصفى ليا
نفسي أداوي جرحي بيكي
نفسي أرجع تاني ليكي
نفسي يرجع حلمنا تاني بايديكي
ليه سمعتي لما قالوا ليكي عنّي
إني كنت .. أو بإنّي
ليه سمعتي ؟
لما كان ممكن تجيني
تسأليني وتسمعيني
بس مهما قالوا هما
عارفة إنك لسة فاهمة
لسة شايفة ولسة عارفة
سامعة قلبي بيناديكي
حاسة روحي رايحة ليكي
حاسة بيّا ؟
عارفة إني كتير ما بغلط
ساعات في حقي
كتير في حقك
بس دة طول عمره طبعي
وعارفة إن العفو طبعك
كنت بس عايزة أسأل ؟
هي دي نهاية الطريق ؟
كنت بس عايزة أقولك
قلبي من غيرك غريق
حاسة بيّا ؟
لسة ناوية ترجعيلي ؟
قولي بس وريحيني
اكسري الصمت اللي ساجنك
اقتلي الحزن اللي ساكنك
واعلني في وشي القرار
ليه بصمتك تقتليني ؟
قربيني أو ابعديني
بس قولي و ارحميني
علّي بيها يلا صوتك
اخرجي من ليل سكوتك
من السكوت اتهدّ عودك
فاكرة وعدي
فين وعودك ؟
مهما كان هفضل ودايما
حاسة بيكي
ونفسي أكون جمبك وليكي
تحبّي أكونلك إيه وأكون ؟
ريحيني من الظنون
ممكن أبعد لو يهون
والفراق بينا يطول
بس أنا نفسي أقرب
قولك إيه لو نجرب ؟
نرجع الحب القديم
تحسي بيا و أحس بيكي
تكوني ليا وأبقى ليكي
أشيل همومك أخاف عليكي
نفسي أرجع الابتسامة
اللي فارقت يوم ملامحك
ضحكتك ترجع لقلبك
تنسي كل حزن حارقك
تمسحي بالفرح دمعك
يلا قولي و سمعيني
عايزة أسمعك تاني تناديني
بس نادي وتلاقيني
:)
33 comments:
ايييييييييييييييه
ده
انا اول كومينت
يا حلاوه يا ولاد
:D
.........
المهم
انا مبعرفش انقد الحاجات دى
بس انتى عاملاها جامده اووووووووى بجد
و متقوليش ان دى اول حاجه تكتبيها
حلوه اوى و جايبه المعنى حلو وتناسق كلمات كمان
بجد بجد
انا منتظره حاجه تانيه زى كده
و قررررررررررررريب جدااا
:d
جميلة اوي يا ويسبر
بجد حلوة اوي
ومؤثرة جداااااا
ومعبرة جدا جدا
انا اول مرة ادخل المدونة بس عجبتني
انا زي كاتروز مبعرفش انقد الحاجات دي
hi whisper....
ana 3agabtny gedan...makontsh 3arfa enk bete3rafy tekteby keda....yala 3ayzen neshof 7agat tania
ليه بصمتك تقتليني ؟
قربيني أو ابعديني
بس قولي و ارحميني
علّي بيها يلا صوتك
اخرجي من ليل سكوتك
من السكوت اتهدّ عودك
فاكرة وعدي
فين وعودك ؟
...
وسبورتى الحلوة:
جميلة اوووووووى
تحفة :)
وجواها مشاعر واحاسيس راائعة :D
والله يا بخت اللى بتقوليلها الكلام ده
:D
بجد أحاسيسك عالية اوى
واسلوبها رقيق أوى
:)
منتظرة جديدك واللى مخبياه :d
نور الأمة
ياااه ..
مش بعرف أجامل أوي
بس جامدة بجد !
:D
أنا حاسس إنها بتتلحن لوحدها وأنا بقراها
(Y)
ويسبر
انا قولتلك رائي ع الماسنجر
وباكدلك
بجد
احساس
عالي
ومش هعيد
كلامي
بقي
سالي
رؤية
السلام عليكم
ما شاء الله .. حقيقي مش عارف
عفريت الرومانسية استولى عليكم
حاسس بتغيير عميييييييق
ألوان وأشعار ترى ما الأمر !!!؟؟؟
ربنا يكرمكم
ماشاء الله يا ويسبر جميلة
إحساسك حلو اي
ربنا يكرمك يا بنوته
كاتروز
هلا حبي
وحشاني والله
ميرسي يا قمر على تعليقك
بس ما تستنيش حاجة تانية
دي كانت تجربة وعدت خلاص
:)
مشمشة
ربنا يكرمك يا قمراية
واهلا بيكي في المدونة وعايزين نشوفك هنا على طول
:)
دارك انجل
حبي
انا فعلا مش بعرف اكتب
وانا هخبي عليكي حاجة زي كدة
دة انا كنت بجرب وخلاص خلصت تجارب
:D
نها
غيرانة ؟
لا تغيري ليه يا قمر
دة انت الكل في الكل
عامة اللي القصيدة مكتوبة ليها
مش واخدة بالها من حاجة
وما شافتهاش و لا هتشوفها
او شافتها
بس المهم ان الموضوع مش محتاج غيرة خالص
ربنا يكرمك يا توتة ويخليني ليكي
:D
دكتور عمرو
يا مرحبا
ما هو مش مطلوب تجامل
خالص ابدا يعني
انا كنت مستنية البتاعة تتشرد
-_-
:D
سالي
ربنا يخليكي يا قمر
وتنوري البلوج كدة على طول
:D
أخ وضاح
رومانسية إيه بس يا فندم
لا أعرفها ولا أسمع عنها
:D
دي حاجة من بنوتة لصاحبتها
ودي حالة وهتروح
شوية عقل كدة نازل علينا وهنخرج من الحالة على طول
:D
أهلا وسهلا بحضرتك
وجزاكم الله خيرا
:)
سمسمة
اهلا يا قمر
ربنا يخليكي يا بنوتة
:)
اولا رائع و تحفة ويجنن وكل الكلام اللي ممكن يوصف اي حاجة حلوة
انت حسيتي الموضوع اوي وعبرتي عنه باحسن ما يمكن
ودي كده مش ملاحظات
ده اللي كان مكتوب قبل كده هو اللي ملاحظات
بجد لازم تكملي وتكتبي تاني وتالت وعاشر
الى الامام
هو ده اول حاجه تعمليها
حرام عليكى يا شيييييييخه امال لو متعوده تكتبى هتعملى فينا اييييييييه :D
ماشاء الله حلوه جدا بجد ... والتعابير حلوه جدا بجد برده
رانيا
يا مرحبا يا مرحبا
نورك غطا عالكهربا
تاني وتالت وعاشر دي صعبة
أنا لازم حد يزقني عشان أكتب حاجة
:D
حراس الحقيقة
آه والله أول حاجة زجل أكتبها
أنا ممكن أكتب خواطر مش مترتبة أحيانا
ترتيبها بقى هو اللي ما بعملوش
ربنا يباركلك يا قمر
تعالي كل يوم بقى
:D
بسم الله الرحمن الرحيم.
دي أول مرة أشارك في مدونة أخواتنا الكريمات/ فلونا وويسبر، وهي تاني مرة أشارك بالتعليق في أي مدونة عموما.
المهم.
الخواطر دي بجد شدتني قوي، الإحساس فيها رائع وعالي.
وكتير من الكمات جاي في مكانه بالضبط، والموسيقى والتقسيم في الشطر إلى حد كبير كويس.
وبجد أنا حاسس بمشروع شاعرة في أختنا الكريمة/ ويسبر.
هو كان في شوية كلمات وحروف ممكن تستبدل بكلمات أخرى علشان الوزن يكون مظبوط أكتر.
وأعتقد دراسة بحور الشعر هتفيد حضرتك في تظبيط الوزن.
ربنا يوفق حضرتك ونشوف لحضرتك مشاركات أخرى متميزة.
الدرعمي.
أخ الدرعمي
يا مرحبا يا مرحبا
البلوج نور والله
طبعا ربنا يكرمك على هذا التشجيع الرائع
بس بلاش مشروع شاعرة دة
:D
أنا مشروع صيدلانية
دة بس عشان الأجازة
بمجرد ما نرجع للكيميا المواهب دي بتتبخر
وأنا سعيدة جدا إن القصيدة حازت اعجاب الناس
كدة ممكن أفكر أكتب قصيدة كل تلات شهور أو أربعة
:D
بجد جامدة جدا
صراحة احسن حاجة الواحد ينكلم من قلبه
بالعربي بقي بالعامية
بس ان اهم حاجة الصدق
جزاكم الله خيرا
جميله ماشاء الله
=)
دكتور شقلبان
جزاكم الله خيرا
فعلا مفيش أحسن من الكلام من القلب
:)
دكتور حمزة
جزاكم الله خيرا
:)
رائعة جداً جداً جداً
بجد والله من غير مجاملة حاسة فيها بصدق غير عادي
على فكرة يا ويسبر
عندك حس فني ماشاء الله
سواء في المعاني الجميلة وللا التعبير وللا اختيار الكلمات
بجد لو أنا كنت صاحبتك اللي كاتبة لها الكلام ده كنت رجعت لك من غير تفكير :)
رااااااائعة ماشاء الله
ومع رأي أخونا الدرعمي في حاجتها للمسة بسيطة من الوزن
فيما عدا ذلك فهي ممتازة ماشاء الله
حفظ الله قلمك
قبوسة
ايه يا جماعة ؟
كدة الواحد ياخد مقلب
:D
أنا كنت بجرب
ربنا يكرمك يا قبس
ويخليني ليكي
:D
حلوه
كفايه عليكى الكلمه دى من روزاليندا
:D
روزاليندا
احنا هننهب ؟
كفاية أوي حلوة
هو حد طايل
:D
مش فاهم حاجه...
بس ايه بوست بورتو مارينا ده ؟؟؟
ممممممممممممممممم
طويب
مش فاهم حاجة !!!
طويب
:)
بورتو مارينا دة بوست هتنزله فلونا قريب
بس كدة
:)
بجد جامدة لأقصى الحدود يعني
جامده اوي و الله
الكلمات خطيرة
يعني محدش يقدر يقول استهبال :@
:) بجد خطيرة
سلام
أخ عبد الرحمن
جزاكم الله خيرا بجد جامد آخر حاجة
:D
Post a Comment