وهي الفرحة جياني
بخاف الضحكة تملاني
وأعيش فيها
وأروح بيها لكون تاني
وألاقي الدنيا تضحكلي
وتفتح بابها علشاني
وألاقيها تكلمني
تقوللي أنسى أحزاني
***
بخاف تحلو أيامي
و ألقى الجنة قدامي
بخاف أفتح في يوم عيني
ألاقي مركبة فرحي
تناديني
بحور حزني تعديني
ولما الموج ساعات يعلى
ألاقيها تغطيني
وبشراعها بتحميني
بخاف بين ثانية والتانية
لألاقيها بترفعني
وفجأة لحزني ترميني
وموج الهم يسحبني
في بحر الجرح ألاقيني
***
بخاف الفرحة تغمرني
وأعيش في الحلم
فأنسى كل حزن وهم
وجوا قصوري ألاقيني
بخاف من فرحة الدنيا
لا من حلمي تصحيني
وألقى جراحي تناديني
ومن تاني
ألاقي الفرحة نسياني
وألاقي الدنيا قافلة الباب
في سجن الهم حبساني
وأنادي لمركبة فرحي
ألاقي الموجة سحباني
ومركب فرحي سايباني
***
أغمض عيني
أدور عالضحكة في أحلامي
ألاقي جراحي وأحزاني
بخاف من الفرحة تخدعني
وتسرق مني أيامي
وتديني أمل فيها
وتاخد مني أحلامي
***
بخاف من البسمة تقلب جرح
فأكره دنيتي والفرح
وأكره كل أيامي
وأخاف الفرحة تملاني
وأعيش فيها
وأروح بيها لكون تاني
بخاف الضحكة تملاني
وأعيش فيها
وأروح بيها لكون تاني
وألاقي الدنيا تضحكلي
وتفتح بابها علشاني
وألاقيها تكلمني
تقوللي أنسى أحزاني
***
بخاف تحلو أيامي
و ألقى الجنة قدامي
بخاف أفتح في يوم عيني
ألاقي مركبة فرحي
تناديني
بحور حزني تعديني
ولما الموج ساعات يعلى
ألاقيها تغطيني
وبشراعها بتحميني
بخاف بين ثانية والتانية
لألاقيها بترفعني
وفجأة لحزني ترميني
وموج الهم يسحبني
في بحر الجرح ألاقيني
***
بخاف الفرحة تغمرني
وأعيش في الحلم
فأنسى كل حزن وهم
وجوا قصوري ألاقيني
بخاف من فرحة الدنيا
لا من حلمي تصحيني
وألقى جراحي تناديني
ومن تاني
ألاقي الفرحة نسياني
وألاقي الدنيا قافلة الباب
في سجن الهم حبساني
وأنادي لمركبة فرحي
ألاقي الموجة سحباني
ومركب فرحي سايباني
***
أغمض عيني
أدور عالضحكة في أحلامي
ألاقي جراحي وأحزاني
بخاف من الفرحة تخدعني
وتسرق مني أيامي
وتديني أمل فيها
وتاخد مني أحلامي
***
بخاف من البسمة تقلب جرح
فأكره دنيتي والفرح
وأكره كل أيامي
وأخاف الفرحة تملاني
وأعيش فيها
وأروح بيها لكون تاني
26 comments:
يا عم انتا بشتجع الاكتأب ليه!!
عادي يعني الفرحة بيتيجي الناس تفرح بيها
:d
اهو انتي الناس اللي بتضايق ااما تفرح
:d
بس بجد
بغض النظر عن جرعة الاكتأب دي
الاحساس عالي اوى ماشاء الله
:)
وكلاماتك حلوة و مظبوطة
ربنا يكرمك يا رب
:)
ايه الكلام لكبير ده؟
جامدة أوي والله
ماشاء الله عليكي
وعلى فكرة انا حسيتها اوي معاكي لاني انا كمان كده
تقريبا بخاف افرح
بجد ماشاء الله عليكى
اوعى العو . . ايه الكلام ده . . بجد هتخليني ابطل . . بتخلي الواحد يتكسف من نفسه و الله
بجد .. أكثر من رائع
لكن لو كانت دي حقيقة مشاعرك .. فيا ريت تتفاءلي شوية
ولكن حقيقة .. جميلة وموزونة وإن كان الوزن مكسور في بعضها
ولكن حقا رائعة .. إلى الأمام
سالخيييير
انا قلت اجى اطل على بنوتين كده
كل سنه وانتم طيبين
احم .. انا عارفه ان العيد فات عليه كتير
بجد الابيات الى انتى كتباها مؤثره
ولحنها كمان حلووو اووى
سالخيييير
انا قلت اجى اطل على بنوتين كده
كل سنه وانتم طيبين
احم .. انا عارفه ان العيد فات عليه كتير
بجد الابيات الى انتى كتباها مؤثره
ولحنها كمان حلووو اووى
جميله يا ويسبر حلوه اوى ... يلا انا تبع مشجعين الاكتئاب :D
ويسبر بجد عندك موهبة رائعة
الحس عالي ، والموسيقى في الألفاظ جميلة قوي
بجد تسلم ايديكي على الإبداع ده :)
بس تفاءلي بالخير تجديه
المجاهدة
لا يا عم أنا مش بتدايق لما بفرح ولا حاجة
دة هي جت معايا كدة وخلاص
لأن ساعتها تحديدا كنت مبسوطة شوية وفجأة حصلت حاجة نكدت عليا
صدفة يعني مش أكتر
فطلعت معايا كدة لكن هذا ليس شعوري على الاطلاااااااااق
اطمني عليا يا حبي
أنا الحمد لله
لما بفرح ... بفررررررررررررح
:D
رانيا
وأنا أقول البلوجاية منورة ليه ؟
نورك مغطي عالقصيدة كمان يا قمر
بلاش تخافي تفرحي ولا حاجة
افرحي وكبري دماغك وبعد كدة اللي يحصل يحصل
:D
نايت وينج
أهلا يا باشا
تبطل تكتب ليييييه ؟
يا عم اطمن أنا بكتب حاجة كل أربع شهور
اكتب انت في الأربع شهور دول براحتك
:D
أخ وضاح
أهلا وسهلا بحضرتك يا فندم
منورنا كالعادة
لا أنا متفائلة ومبسوطة أهو
صحيح كليتي تجيب الاكتئاب اللي في مصر والدول المجاورة
بس عاااااااااااادي
اتعودنا
:D
loza
يا مرحبا يا مرحبا
نورك غطا عالكهربا
انتوا فين يا عيال ؟
الكلية عملت فيكوا كل دة
حاسة بيكوا والله
:D
ابقي عدي علينا يا بت
:D
heart of ocean
انبسطت أوي اني شوفتيكي امبارح
.مع اننا في كلية واحدة ودفعة واحدة
الا اني بشوفك بالضالين
والبركة في البني آدم الغريب اللي اخترع جدول ملوش مثيل في الكرة الأرضية
يلا خييييييير خييييييييير
.ميرسي أوي يا قمر ومنورة
بس برضه عندا فيكي هقلبها اسود يعني هقلبها اسوووووووود
:D
قبس من نور
منورة وربنا يكرمك يا توتة
ما تقلقيش يا بنتي دة كلام بيتكتب وخلاص
أنا لو دي حقيقة شعوري في الحياة
كان زماني انتحرت من زمااااااااااان
ما أنا حلوة أهو ومهيسة
:D
بخاف من البسمة تقلب جرح
فأكره دنيتي والفرح
وأكره كل أيامي
وأخاف الفرحة تملاني
وأعيش فيها
وأروح بيها لكون تاني
كأنى أنا الى بتكلم :(
ويسبر كلمات رائعه فى التعبير بصدق .. ما شاء الله قصيدة ممتازة جدا
ربنا يهون علينا كلنا يا رب
مننبسطش اوى عشان منحزنش اوى
على طوووووووووول بقول كده
بس حلووووووة بجد يا ويسبرررر
يلا افرحى حبتين
و ربنا يكرمك يا قمر يااااااااارب:)
جميل جدا البوست
فيه ابداع جامد جدا مشاء الله
جامدة جدا تبارك الرحمن يا بنتي
وبعدين يا مجاهدة فعلا ناس كتير بتخاف من الفرحة
لو أخدت بالك دايما لما المصريين يضحكوا يقولوا خير اللهم اجعله خير
الموسيقى فعلا في الخواطر لذيذة قوي تبارك الله :)
لا لا ليك مستقبل يا بنتي ;)
دهاء سياسي
منورة يا حبي
يا بنتي كبري الجمجمة وانبسطي
هو صحيح أنا آخر واحدة تقول الكلام دة
بس الواجب يقتضي ذلك
@ كاتروز
ربنا يكرمك يا قمراية
@ صاصا
جزاك الله خيرا
:)
مها
مستقبل ؟
أنا نفسي في مستقبل
حد يجيبلي واحد
بيقولوا حلو أوي
:D
رائعة لبعد جد يا إيمان هي صحيح محتاجة تفؤل شويه
بس حقيقي رائعة
:)
تحياتي
الله
ابيات جميلة قوي يا اخت ويسبر
ربنا يفتح عليكي
كلامك جميل واختيارك للموضوع والكلمات نفسها موفق جدا
ما شاء الله
وانا بصراحة مبربطش الفرح بالحزن ... وكل إللى يجيبه ربنا كويس .. بس يصبرنا عليه ويبقي تمام قوي :)
تحياتى ليكي
سودتيها يا ويسبر برضه و مش سمعتى الكلام
ماشى .. لما اشوفك :D
هيه الدنيا ضلمت كدة ليه -_-
هى الدنيا احمرت كده ليه ؟؟ :D
sorry to delete the previous comment , i made too many language mistakes.
الكلام جميل وإختيارها دليل على ذوق رفيع
ما شاء الله عليكي هي متاخرة شوية بس أأسف على تاخري في الرد
المهم
إسعي ورا الفرحة تلاقيها
وإن جه الحزن في السكة
عديه ولا تديله ثانية
دي الثانية في الحزن ضايعة
وزيها في الفرحة
ليه تبقى ضايعة
، يا ريت بقى تردي الزيارة في القريب العاجل
ذكرى انسان
أهلا وسهلا بحضرتك وجزاك الله خيرا على المرور الكريم
:)
مانجر
جزاك الله خيرا
وعايزين نشوفك هنا على طول
:)
dr.sammo7
ميرسي على مرورك يا دوك
هو القصيدة لا تعبر عن شعوري الشخصي
هي طلعت كدة لوحدها
أنا الحمد لله لما بنبسط .. بنبسط بضمير
ولا بزعل برضع بزعل بضمير
ومبروك على المدونة وإن شاء الله أزورها قريب
:)
Post a Comment